كلمات القصيده
الـصـوره الـي بـجوّالي تـعـذبـنـي
ياكثـر مأجـيـت أبمـسـحها واخليـها
يـ اللـي جفيت وجفاك المر ذابحني
عقبـك وجيـه البشر مانـي بـدانـيـهـا
من يوم حبّك غـزا الـقلب وتمـلّكني
قطـعـت كــل العـلاقـات وطــواريـهـا
أقرا رسايـلك ودمـوعـي تـسابقـني
وأرد واقرا الرسـايل واحتفـظ فيـهـا
انت آخر انسان هاقي منه يصدمني
والضاهر ان هقوتي بانت مـواريـها
لو الوصايا ، لـي احتديـت تنفـعـنـي
يـاكثـر نـاسن على ذودي بـوصّـيـهـا
ليت الفرح بنك ، لا جيته يسلّفـنـي
واقاصده راحتـي . واحقوقـه اوفّـيها
من كثر ، ماكنت جارحني وظالمني
قمت اعزل جروحك بـ قلبي واسمّيها
تدري وش اللي يبكيني ! ويضحكني
انـك مـحـامـي ، قـضـيّـتـنا وقـاظـيـهـا
تدري متاك تعرف قـدري وتفـقدنـي ؟
لا رخصت نفسك لشخصٍ مايـراعـيها
بكره إلا همّـلـوك النـاس تـذكـرنـي
وتقول عـزّآه .. عـيـنـي مـن يـداريـهـأ
مدام غيري على قلبك مشاركنــي
وشـهـولـه ؟ اعـلّـق الامـال وابـنـيـهـا
يكفيني انك رحلت ومنت عايفنـي
هذا عزا النّـفـس مـن كثرة بـلاويـهـا
اهديتك دموع من طعنتك تحرقني
وانت اللي تستاهل الدنـيـا ومـافـيـهـا
واهديتني جرح موجعني وعاجبني
لـن الهـدايا عـلـى مـقـدار مـهـديـهـا
صحيح حنا انتهينا ! بس صدقني
والله ان تبقى هـوى روحي وغاليـها
لكل داءٍ . دواء لو هو متعبـنـي
الا مـحـبـتـك ! أعـيـت مـن يـداويـهـا
ان قلت : علمني انسى لاتعلمني
دنياي لامن نسيـتـك ويـش تـالـيـهـا
فارقتني وضحكتك عيّت تفارقني
والله يلعن ابـو الـفـرقـا وطـاريـهــأ
مقدر افكر بغيرك وانت عارفني
عشان حاجه بـ قلبي مقدر اخفـيهـأ
اخاف لاحبني غيرك وعاشرني
يشوف صورتك في عيني ويوحيها
نشدت عنك وسمعت اللي يفرحني
وارتاح قلبي من همومن يحاتيهــا
تبي تعرف وش على الفرقا مصبرني
انــك بخيـر وحياتـك مهتني فيــهــأ
من يوم ماغبت والوحده تغذبنــي
اقرا رسايلك في حـرقه والاحيهـا
واشوف صورتك ودموعي تسابقني
وياكثر . ماجيت ابمسحها واخليها
ليست هناك تعليقات:
إرسال تعليق